Din il-formola trid timtela mill-Konsulenti meta tkun qed tintalab kura mediċinali eċċezzjonali għall-pazjenti tagħhom. L-informazzjoni sottomessa għandha tkun tali li tippermetti l-kumpilazzjoni ta’ valutazzjoni ħolistika relatata mal-mediċina mitluba għall-finanzjament individwali tal-pazjent. Din il-valutazzjoni tinkludi effikaċja klinika komparattiva ma’ terapija standard/għażliet ta’ trattamenti oħra u, raġunijiet għall-eċċezzjonalità u l-impatt fuq il-baġit. Kwalunkwe informazzjoni addizzjonali meqjusa meħtieġa biex tissostanzja t-talba għandha tiġi mehmuża mal-formola mimlija u tintbagħat permezz ta’ email lil: [email protected]
L-applikazzjoni għandha tiġi sottomessa mid-detenturi tal-awtorizzazzjoni għat-tqegħid fis-suq (MAHs) lid-Direttorat għall-Affarijiet Farmaċewtiċi (DPA), meta tintalab l-inklużjoni (i) ta’ prodott mediċinali ġdid fil-Formularju tal-Gvern, jew (ii) ta’ indikazzjoni ġdida/indikazzjonijiet ġodda għal prodotti diġà disponibbli fuq il-Formularju. It-talba eventwalment tiġi ppreżentata għal diskussjoni u rakkomandazzjoni mill-kumitati tal-GFLAC (Kumitat Konsultattiv dwar Lista Formularja tal-Gvern) u l-ACHCB (Kumitat Konsultattiv dwar il-Benefiċċji tas-Saħħa).
L-applikazzjoni għandha tiġi sottomessa mill-konsulenti li jaħdmu fi ħdan is-Servizzi tas-Saħħa tal-Gvern lid-Direttorat għall-Affarijiet Farmaċewtiċi (DPA), meta jitolbu għall-inklużjoni (i) ta’ prodott mediċinali ġdid fil-Formularju tal-Gvern, jew (ii) ta’ indikazzjoni ġdida/indikazzjonijiet ġodda għal prodotti diġà disponibbli fuq il-Formularju. It-talba għandha tiġi approvata miċ-Chairperson Kliniku tad-dipartiment ikkonċernat. It-talba eventwalment tiġi ppreżentata għal diskussjoni u rakkomandazzjoni mill-kumitati tal-GFLAC (Kumitat Konsultattiv dawr Lista Formularja tal-Gvern) u l-ACHCB (Kumitat Konsultattiv dwar il-Benefiċċji tal-Kura tas-Saħħa).
L-applikazzjoni għandha tiġi sottomessa mill-konsulenti li jaħdmu fi ħdan is-Servizzi tas-Saħħa tal-Gvern, bħala anness mal-formola ‘Talba minn Konsulent għall-Inklużjoni ta’ Prodott Mediċinali fil- Formularju tal-Gvern (T02)’.
